ਗਨੋਮ ੨.੧੨ ਛੇਤੀ ਹੀ ਹਰਮਨ ਪਿਆਰੇ ਲੀਨਕਸ ਵੇਚਣ ਵਾਲਿਆਂ ਰਾਹੀਂ ਉਪਲੱਬਧ ਹੋ ਜਾਵੇਗਾ। ਉਹ, ਜੋ ਕਿ ਇੰਤਜ਼ਾਰ ਨਹੀਂ ਕਰ ਸਕਦੇ ਹਨ, ਹੁਣ ਗਨੋਮ ਲਾਈਵ ਸੀਡੀ (www.gnome.org/start/2.12/ ਉੱਤੇ ਉਪਲੱਬਧ ਹੈ) ਰਾਹੀਂ ਨਵੇਂ ਗਨੋਮ ਵਿਹੜੇ ਦੀ ਇੱਕ ਸੀਡੀ ਲਿਖਣ ਉਪਰੰਤ ਸਿਰਫ਼ ਮੁੜ-ਚਾਲੂ ਕਰਕੇ - ਬਿਨਾਂਇੰਸਟਾਲੇਸ਼ਨ ਦੇ ਗਨੋਮ ਵਿਹੜੇ ਦੇ ਨਵੇਂ ਗੁਣ ਵੇਖ ਸਕਦੇ ਹਨ।

ਖੋਜੀ ਅਤੇ ਤਕਨੀਕੀ ਵਰਤਣ ਵਾਲੇ, ਜੋ ਕਿ ਗਨੋਮ ੨.੧੨ ਵਿਹੜਾ ਅਤੇ ਵਿਕਾਸ ਵਾਤਾਵਰਣ ਦੀ ਵਰਤੋਂ ਕਰਨ ਚਾਹੁੰਦੇ ਹਨ, ਸਾਫਟਵੇਅਰ ਨੂੰ http://ftp.gnome.org/pub/GNOME/desktop/ ਤੋਂ ਡਾਊਨਲੋਡ ਕਰ ਸਕਦੇ ਹਨ। ਇਸ ਵਿੱਚ ਸਾਫਟਵੇਅਰ ਗਨੋਮ ੨.੧੨ ਵਿਹੜਾ ਇੰਟਰਫੇਸ ਅਤੇ ਵਿਕਾਸ ਲਈ ਸੰਦ ਅਤੇ ਲਾਇਬਰੇਰੀਆਂ ਲਈ ਮੁਕੰਮਲ ਸਾਫਟਵੇਅਰ ਕੋਡ ਸ਼ਾਮਲ ਹੈ।

ਗਨੋਮ ਇੱਕ ਮੁਫਤ ਸਾਫਟਵੇਅਰ ਪਰੋਜੈੱਕਟ ਹੈ, ਜੋ ਕਿ ਮੁਕੰਮਲ ਅਤੇ ਵਰਤਣ ਲਈ ਅਸਾਨ ਡਿਸਕਟਾਪ ਦਾ ਵਿਕਾਸ ਕਰਦਾ ਹੈ। ਮੂਲ ਡਿਸਕਟਾਪ ਭਾਗ, ਜਿਵੇਂ ਕਿ ਸਿਸਟਮ ਮੇਨੂ, ਇੱਕ ਫਾਇਲ ਪਰਬੰਧਕ, ਵੈਬ ਝਲਕਾਰਾ ਅਤੇ ਸਹੂਲਤਾਂ ਤੋਂ ਇਲਾਵਾ ਗਨੋਮ ਇੱਕ ਮੁਕੰਮਲ ਸਾਫਟਵੇਅਰ ਵਿਕਾਸ ਵਾਤਾਵਰਣ ਹੈ, ਜੋ ਕਿ ਖੋਜੀਆਂ ਨੂੰ ਨਵੇਂ ਸਾਫਟਵੇਅਰ ਵਿਕਾਸ ਕਰਨ ਲਈ ਸਹਾਇਕ ਹੈ।

ਵੱਖ ਵੱਖ ਭਾਗਾਂ ਤੋਂ ੫੦੦ ਤੋਂ ਜਿਆਦਾ ਸਾਫਵਟੇਅਰ ਖੋਜੀ, ਜਿਹਨਾਂ ਵਿੱਚ ੧੦੦ ਤੋਂ ਜਿਆਦਾ ਪੇਸ਼ੇਵਾਰ ਖੋਜੀ ਹਨ, ਪਰੋਜੈੱਕਟ ਲਈ ਆਪਣਾ ਸਮਾਂ ਅਤੇ ਜਤਨ ਦਿੰਦੇ ਹਨ। ਇਸ ਨੂੰ ਉਦਯੋਗ ਦੇ ਫਲੂਡੋ, ਐਚਪੀ, ਆਈਬੀਐਮ, ਨੋਵਲ, ਰੈੱਡ ਹੈੱਟ ਅਤੇ ਸਨ ਰਾਹੀਂ ਸਹਿਯੋਗ ਪਰਾਪਤ ਹੈ। ਗਨੋਮ ਲਈ ਪਲੇਟਫਾਰਮਾਂ ਲਈ ਸਹਾਇਕ ਹੈ, ਜਿਸ ਵਿੱਚ ਗਨੂ/ਲੀਨਕਸ (ਜਿਸ ਨੂੰ ਲੀਨਕਸ ਵੀ ਕਹਿੰਦੇ ਹਨ), ਸਲੋਰਸ ਓਪਰੇਟਿੰਗ ਵਾਤਾਵਰਣ, ਐਚਪੀ-ਯੂਐਕਸ, ਯੂਨੈਕਸ, ਬੀਡੀਐਸ ਅਤੇ ਐਪਲ ਦਾ ਡਾਰਵਿਨ ਸ਼ਾਮਲ ਹਨ।

ਗਨੋਮ ਡਿਸਕਟਾਪ ਨੂੰ ਸੰਸਾਰ ਦੇ ਕਰੋੜਾਂ ਲੋਕਾਂ ਰਾਹੀਂ ਇਸਤੇਮਾਲ ਕੀਤਾ ਜਾਦਾ ਹੈ। ਗਨੋਮ ਸਭ ਲੀਨਕਸ ਅਤੇ ਯੂਨੈਕਸ ਡਿਸਟਰੀਬਿਊਸ਼ਨਾਂ, ਜਿਨਾਂ ਵਿੱਚ ਸੰਸਾਰ ਰਾਹੀਂ ਹਰਮਨਪਿਆਰੇ ਡੇਬੀਅਨ, ਫਿਡੋਰਾ ਕੋਰ ਅਤੇ ਸੂਸੇ ਦਾ ਮਿਆਰੀ ਭਾਗ ਹੈ ਅਤੇ ਮੁੱਖ ਇੰਟਰਪਰਾਈਸ ਲੀਨਕਸ ਡਿਸਟਰੀਬਿਊਸ ਜਿਵੇਂ ਕਿ ਰੈੱਡ ਹੈੱਟ ਇੰਟਰਪਰਾਈਸ ਲੀਨਕਸ ਅਤੇ ਸਨ ਜਾਵਾ ਡਿਸਕਟਾਪ ਸਿਸਟਮ ਦਾ ਮੂਲ ਡਿਸਕਟਾਪ ਹੈ। ਗਨੋਮ ਸੰਸਾਰ ਦੇ ਸਭ ਤੋਂ ਵੱਡੀ ਲੀਨਕਸ ਡਿਸਕਟਾਪ ਵੰਡ, ਜਿਸ ਵਿੱਚ ਐਕਟਰੀਮਾਡੂਅਰਾ, ਸਪੇਨ ਅਤੇ ਸਾਓ ਪਾਓਲੋ, ਬਰਾਜ਼ੀਲ ਦੀਆਂ ਸਰਕਾਰਾਂ ਸ਼ਾਮਲ ਹਨ, ਲਈ ਡਿਸਕਟਾਪ ਮੰਗ ਹੈ। ਗਨੋਮ ਦੀ ਤਕਨੀਕ ਮੁੱਖ ਲੀਨਕਸ ਸਹਾਇਕ, ਜਿਵੇਂ ਕਿ ਫਾਇਰਫਾਕਸ, ਇਕਲੀਪਸੇ ਪਰੋਜੈੱਕਟ, ਰੀਅਲ ਨੈੱਟਵਰਕ ਅਤੇ ਵੀਐਮਵੇਅਰ ਰਾਹੀਂ ਵਰਤੀ ਜਾਦੀ ਹੈ।

ਗਨੋਮ ਬਾਰੇ ਵਧੇਰੇ ਜਾਣਕਾਰੀ ਨੂੰ http://www.gnome.org/ ਉੱਤੇ ਵੇਖਿਆ ਜਾ ਸਕਦਾ ਹੈ।

ਹਜ਼ਾਰਾਂ ਵਲੰਟੀਅਰ ਖੋਜੀਆਂ ਅਤੇ ਉਦਯੋਗ-ਮੋਹਰੀਆਂ ਕੰਪਨੀਆਂ ਦਾ ਸੰਗਠਨ, ਗਨੋਮ ਫਾਊਡੇਸ਼ਨ ਇੱਕ ਸੰਗਠਨ ਹੈ, ਜੋ ਕਿ ਗਨੋਮ ਦੇ ਵਿਕਾਸ ਲਈ ਵਚਨਬੱਧ ਹੈ। ਫਾਊਡੇਸ਼ਨ ਮੈਂਬਰ ਅਧਾਰਿਤ, ਨਾ-ਲਾਭ ਪਰਾਪਤ ਸੰਗਠਨ ਹੈ, ਜੋ ਕਿ ਗਨੋਮ ਪਰੋਜੈੱਕਟ ਨੂੰ ਵਿੱਤੀ, ਸੰਗਠਿਤ ਅਤੇ ਕਾਨੂੰਨੀ ਸਹਿਯੋਗ ਦਿੰਦੀ ਹੈ ਅਤੇ ਇਸ ਲਈ ਨਿਸ਼ਾਨੇ ਤਹਿ ਕਰਦੀ ਹੈ। ਗਨੋਮ ਫਾਊਡੇਸ਼ਨ ਬਾਰੇ ਵਧੇਰੇ ਜਾਣਕਾਰੀ ਲੈਣ ਲਈ ਕਰਨ ਲਈ, http://foundation.gnome.org/ ਵੇਖੋ।

ਕਿਰਪਾ ਕਰਕੇ ਪ੍ਰੈਸ ਪੁੱਛ ਪੜਤਾਲ ਲਈ gnome-press-contact@gnome.org ਨੂੰ ਪੱਤਰ ਭੇਜੋ

ਲੀਨਕਸ (Linux) ਲੀਨਸ ਤੋਰਵਾਲਸ ਦਾ ਮਾਰਕਾ ਹੈ। ਸਭ ਨਾਂ ਅਤੇ ਮਾਰਕੇ ਉਹਨਾਂ ਦੇ ਅਨੁਸਾਰੀ ਮਾਲਕਾਂ ਦੀ ਨਿੱਜੀ ਮਲਕੀਅਤ ਹਨ।